வெஜிடபிள் சோமாஸ்(Vegetable Somaas) தேவையானவை : மைதா மாவு - இரண்டு கப் உருளைக் கிழங்கு - 4 கேரட், பீன்ஸ், பட்டாணி, காலிபிளவர் - கால் கிலோ பெரிய வெங்காயம் - 2 தக்காளி - 2 பூண்டு - 6 பற்கள் இஞ்சி - சிறிய துண்டு மிளகாய்த் தூள் - அரை தேக்கரண்டி மல்லித் தூள் - 2 தேக்கரண்டி மஞ்சள்தூள் - சிறிதளவு கறிமசாலா தூள் - 1 தேக்கரண்டி ரொட்டித் தூள் - 2 தேக்கரண்டி உப்பு, நெய் - தேவையான அளவு செய்முறை : 1. உருளைக் கிழங்கை வேக வைத்து மசித்து எடுத்துக் கொள்ளவும். காய்கறிகள், வெங்காயம், தக்காளி இவற்றைப் பொடியாக அரிந்து வைத்துக் கொள்ளவும். இஞ்சி, பூண்டு இரண்டையும் அரைத்துக் கொள்ளவும். வாணலியில் சிறிது எண்ணெய் விட்டு சிறிதளவு பட்டை, சோம்பு போட்டு வெடிக்க விட்டு அரைத்த இஞ்சி, பூண்டு சேர்த்து சிவக்க வறுக்க வேண்டும். அத்துடன் நறுக்கிய வெங்காயம், தக்காளி சேர்த்து வதக்கவும். 2. வதங்கியதும் பொடியாக நறுக்கிய காய்கறிகளைப் போட்டு வதக்கி மேற்கூறிய அளவு மிளகாய்த் தூள், மல்லித்தூள், மஞ்சள் தூள், கரம் மசாலாத் தூள் போட்டு பிசைந்து சிறிது தண்ணீர் தெளித்து மூடி வைத்து அடுப்பை மிதமான சூட்டில் வைத்து வேக விட வேண்டும். 3. காய்கறிகள் வெந்து தண்ணீர் வற்றியதும் மசித்த உருளைக் கிழங்கைப் போட்டுக் கிளறி கெட்டியாக எடுத்து வைத்துக் கொள்ளவும். நன்றாக கெட்டியாக வர, ரொட்டித்தூள் போட்டு கிளறிக் கொள்ளலாம். இதுவே வெஜிடபிள் பூரணம். 4. மைதா மாவை சலித்து எடுத்து கொஞ்சம் `நெம்' அல்லது `டால்டா` சேர்த்து சிறிது தண்ணீர் ஊற்றி பிசைந்து கொள்ளவும். மாவில் ஒரு சிறு உருண்டை எடுத்து இலேசாக வட்டமாக தேய்த்து வெஜிடபிள் பூரணத்தை நடுவில் வைத்து மடித்து ஓரங்களை சோமாஸ் கத்தியால் வெட்டவும்.  5. இதேபோல் நிறைய சோமாஸ்கள் தயார் செய்து வைத்துக்கொண்டு வாணலியில் எண்ணையைக் காய வைத்து செய்து வைத்துள்ள சோமாஸ்களைப் போட்டு பொரித்து எடுக்கவும்.